पाेखरा । केपी ओली कप टी–२० क्रिकेट प्रतियाेगिताकाे सेमिफाइनल खेल भाेलि बिहीवारबाट हुँदैछ । पहिलो सेमिफाइनलमा बागमती र आर्मी तथा दोस्रो सेमिफाइनलमा मधेस र एपीएफ खेल्नेछन् । फाइनल खेल पर्सि शुक्रवार हुनेछ ।

प्रतियाेगितामा समूह ‘ए’ बाट बागमती प्रदेश, समूह ‘बी’ बाट सशस्त्र प्रहरी बलकाे एपीएफ क्लब, समूह ‘सी’ बाट मधेस प्रदेश र समूह ‘डी’ बाट आर्मी सेमिफाइनलमा पुगेका हुन् ।

प्रतियाेगितामा आज काेशी प्रदेशले सान्त्वना जित निकालेकाे छ । पाेखरा रङ्गशालमा भएकाे समूह ‘डी’ काे खेलमा काेशीले मदन भण्डारी स्पाेर्ट्स एकेडेमी ‘निलो’ लाई ९ विकेटले हरायाे ।

मदन भण्डारी ‘निलो’ ले दिएकाे ६८ रनकाे सामान्य लक्ष्य काेशीले ७ ओभर ४ बलमा १ विकेट गुमाएर भेटायाे । काेशीका साेनु अन्सारीले नट आउट ३५ रन बनाए । बलिङतर्फ मदन भण्डारी ‘निलो’ का शुभम् खनालले १ विकेट लिए ।

यसअघि पाेखरा रङ्गशालामा टस हारेर ब्याटिङकाे निम्ताे पाएकाे मदन भण्डारी ‘निलो’ १७ ओभर ५ बलमा ६७ रनमा अल आउट भयाे । मदन भण्डारी ‘निलो’ का अर्जुन रायमाझीले सर्वाधिक २४ रन बनाए । बलिङतर्फ काेशीका श्रवण यादवले ३ तथा फिर्दाेश अन्सारी र कमल खत्रीले समान २ विकेट लिए ।