स्वतन्त्र उम्मेदवार हमालको यौन काण्ड, यौन दुर्व्यवहारमा परेकी पीडित भन्छिन्– ‘एक महिनासम्म पीडा सहें’ (भिडियो)

स्वतन्त्र उम्मेदवार हमालको यौन काण्ड, यौन दुर्व्यवहारमा परेकी पीडित भन्छिन्– ‘एक महिनासम्म पीडा सहें’ (भिडियो)


ग्लोब नेपाल
2884.1k
Shares

काठमाडौं । यौन दुर्व्यवहार सहेकी कैलालीकी एक महिलाले आफूले एक महिनासम्म निकै तनाव र पीडा सहेको बताएकी छिन् । धनगढी उपमहानगरपालिकाको प्रमुख पदका लागि स्वतन्त्र उम्मेदवार गोपाल हमालको घरमा काम गर्ने सरस्वती (नाम परिवर्तन) ले आफूमाथि एक महिनासम्म यौन दुर्व्यवहार भएको बताइन् ।

भिडियो

व्यवसायी समेत रहेका नगर प्रमुखका स्वतन्त्र उम्मेदवार हमालले आफू निर्वस्त्र भएर सरस्वतीलाई संवेदनशील अंगसहित शरीरमा तेल लगाउन लगाउने, लुगा फुकाल्न र शारीरिक सम्बन्ध राख्न दबाव दिने गरेको उनले बताइन् ।

सरस्वती एकल महिला हुन् । उनी हमालको घरमा खाना पकाउने तथा सरसफाईको काम गर्थिन् । हमालले उनकै घरमा सरस्वतीलाई दिनहुँ यौन दुव्र्यवहार गरेको उनले बताइन् । कैलालीका केही सञ्चारकर्मीसंगको गोप्य भेटघाटमा उनले भनिन्– म एकल महिला हुँ । मेरो कोही आफन्त छैनन् । काम खोज्ने क्रममा हमालका निकटका जनक भन्ने व्यक्तिले मलाई हमालको घरमा घरायसी काम गर्न भनेर पठाए । उनले मासिक १५ हजार रुपैयाँ तलब दिने भनेका थिए ।

सरस्वतीले थपिन्– राम्रो तलब पाइन्छ भनेर म पनि घरायसी काम गर्न राजी भए । पहिलो दिन ठीकै बित्यो । काम गर्न गएको दोस्रो दिनदेखि भने हमालले यौन दुव्र्यवहार गर्न थाले । यस्तो त मैले मेरो श्रीमान्का लागि पनि गरेकी थिइन । हमाल भुइँमा गलैचा लगाएर नाङ्गै पल्टिन्थे र मलाई आफ्नो जीउमा तेल लगाउन भन्थे । मैले नाइनास्ती गर्दा उनी गाली गर्थे । भुईमा नाङ्गै भएर आफ्नो संवेदनशील अङ्ग आफ्नो हातले छोपेर शरीरमा तेल मालिस गर्न लगाउँथे । तेल पनि काँसको कचौरामा तताउनु पथ्र्यो । तातो तेल हातमा घसेर उनको शरीरमा लगाउनु पथ्र्यो । पिठ्युँदेखि तेल लगाउँदै गर्दा यौनाङ्गमा पनि लगाउन भन्थे । नाइनास्ती गर्दा गाली पाउँथे । म डराईडराई उनको जीउमा तेल लगाइदिन्थे ।

सरस्वतीका अनुसार काँसको कचौराको तातो तेल हमालको शरीरमा लगाउँदा उनका हातका औँलामा फोका उठ्थे । उनले भनिन्– तातो तेलले औंला पोलिन्थे, फोका उठ्थे । फोका फुट्थे र औला कट्कटी दुख्थे । मैले सकीनसकी तेल लगाउनै पथ्र्यो ।

उनका अनुसार हमालको घरमा हरेक दिन नयाँनयाँ अनुहारकी केटीहरु आउँथे । उनकै शब्दमा– केटीहरु आएपछि मलाई बाहिर पठाउँथे । हमाल दिनभरी केटीहरुसँगै कोठाभित्र हुन्थे । मलाई खाना तथा अन्य परिकार पकाउन भन्थे । खाना पकाएर ढोका ढकढक्याउनु पथ्र्यो । भित्रबाट हमाल ढोका खोल्थे र ढोकाको कुनामा खाना राख्नुपथ्र्यो । उनी बेलुकी बाहिर निस्कन्थे ।

उनलाई राती भएपछि डर लाग्थ्यो । आजको रात कसरी सुरक्षित हुने ? भन्ने त्रास हुन्थ्यो । उनले थपिन्– खाना खाएर हमाल कोठामा सुत्न जान्थे । अनि मलाई कोठामा बोलाउँथे । म डराईडराई जान्थे । मलाई समात्न खोज्थे । यौन सम्पर्क गर्न तयार हुन भन्थे । म मान्दिन थे । उनी हरेक राती सुत्नुअघि तेल लगाउन भन्थे । तेल लगाउँदा उनी आफ्नो अण्डरवेयर पनि फुकाल्थे । म लाजले उनीतिर नहेरेर तेल लगाइदिन्थे । उनी मलाई आफ्नो यौनाङ्ग चलाउन र तेल लगाउन दबाव दिन्थे ।

उनलका अनुसार उनले हमालको जुत्ता पालिस गर्नुपथ्र्यो । मोजा ठीक्क पारिदिनु पथ्र्यो । उनको अण्डरवेयर समेत धुनुपथ्र्यो । कट्टु, गन्जी तथा कपडा नसुके आइरन लगाएर सुकाउनु पथ्र्यो । कपडा नसुके गाली खानुपथ्र्यो । उनले रुँदै भनिन्– मैले त्यहाँ कति पीडादायी दिन बिताए, भनेर साध्यै छैन ।

सरस्वतीले हमालको घरमा काम गर्दाको पीडादायी समय स्मरण गरिन् । भनिन्– हमालको घरमा सबैभन्दा बाहिर एउटा गेट छ । कटेजवाला घर बाहिर पनि अर्को गेट छ । त्यो गेटमा सधैं ताला लगाइएको हुन्थ्यो । मैले त्यहाँ एक महिना काम गर्दा गेटबाहिरको संसार देख्न पाइन । बाहिर निस्कनै दिँदैन थे । हमालका अन्य कामदार पनि मलाई डराउँथे । उनीहरु “मालिकले भने काम नगरे नराम्रो हुन्छ” भन्थे ।

सरस्वतीले त्यहाँ एक महिना काम गरिन् । उनले भनिन्– एक महिना पुगेपछि मैले काम गर्दिन भने । महिनाभरी काम गरेको पैसा दिएनन् । म रुँदै निस्किएँ । त्यसपछि म हमालको घरमा काम गर्न पठाउने व्यक्तिको कार्यालय गएँ । मैले आफूले तलब नपाएको भने । उनले मलाई रकम दिए ।

(यो प्रकरणको भिडियो हामीसंग सुरक्षित छ)