डडेल्धुरा । नेपाली कांग्रेसका सभापति एवम् प्रधानमन्त्री शेरबहादुर देउवाले मतदान गरेका छन् । देउवाले गृह जिल्ला डडेल्धुराको गन्यापधुरा गाउँपालिकाको रुवाखोलास्थित असिग्राम मावि मतदान केन्द्र ‘ख’ बाट मतदान गरेका हुन् ।
देउवाले स्थानीय तह निर्वाचनले लोकतन्त्र बलियो बनाएको बताएका छन् । शुक्रबार बिहान डडेल्धुराको गन्यापधुरा गाउँपालिकाको रुवाखोलास्थित असिग्राम मावि मतदान केन्द्र ‘ख’ बाट मताधिकार प्रयोग गरेका देउवाले संक्षिप्त प्रतिक्रिया दिएका हुन् ।
उनले सिंहदरबारका अधिकार गाउँगाउँमा पुगेकाे बताए । ‘निर्वाचन हुँदैन भन्ने शक्तिहरू पनि सामेल भएका छन्। स्थानीय तहको समृद्धि र विकासका लागि निर्वाचन महत्त्वपूर्ण थियो । अहिले निर्वाचन भएकाे छ,’ उनले भने ।
देउवाले गठबन्धनले कांग्रेस कमजोर नभएकाे बताए । कांग्रेस नेतृत्वकाे सत्ता गठबन्धनले चुनावमा पनि तालमेल गरेकाे छ ।
मतदानका लागि प्रधानमन्त्री देउवा शुक्रबार बिहानै धनगढीबाट डडेल्धुरा पुगेका थिए ।
![](https://globenepal.com/wp-content/uploads/2022/05/280166144_535153931498786_234248471009498062_n.jpg)
![](https://globenepal.com/wp-content/uploads/2022/05/280174990_364833095476874_9152026277749880356_n.jpg)
![](https://globenepal.com/wp-content/uploads/2022/05/280205006_531476415315766_9022374322558579084_n.jpg)
![](https://globenepal.com/wp-content/uploads/2022/05/280350450_536461678086674_8824828712736423331_n.jpg)
![](https://globenepal.com/wp-content/uploads/2022/05/280376829_301608572131598_2312877392383627496_n.jpg)
प्रतिक्रिया