काठमाडौं । शिक्षक सेवा आयोगले अध्यापन अनुमतिपत्र (लाइसेन्स)को अनलाइन दरखास्त दिन प्रयोग भइरहेको वेबसाइडमा समस्या आएको जनाएको छ ।

आयोगले आईतबार एक विज्ञप्ति निकाल्दै, अध्यापन अनुमतिपत्रका लागि माध्यमिक तहको प्रवेशपत्र प्राप्त गर्न र निम्न माध्यमिक तहको अनलाइन दरखास्त दिन प्रयोग भइरहेको वेबसाइडमा समस्या देखिएको जनाएको हो ।

‘अध्यापन अनुमतिपत्रका लागि माध्यमिक तहको प्रवेशपत्र प्राप्त गर्न र निम्न माध्यमिक तहको अनलाइन दरखास्त दिन प्रयोग भइरहेको शिक्षक सेवा आयोगको Tsc Job Portal https://license.tsc.gov.np/ मा आज मिति २०७९ असार ०५ गते बिहान करिब १० बजेबाट प्राविधिक समस्या आएको कारणबाट यसको प्रयोगमा वाधा भइरहेको छ । यसमा देखिएको समस्या समाधानमा प्राविधिकहरु खटिरहेको हुँदा समाधान नहुँदासम्म धैर्य गर्न सबैमा अनुरोध गरिन्छ । यसबाट पर्न गएको असुविधा प्रति आयोग दुःख व्यक्त गर्दछ । इच्छुक योग्यता प्राप्त ब्यक्तिहरुले दरखास्त दिन पाउने गरी समयको ब्यवस्थापन
हुने ब्यहोरा समेत सम्बन्धित सबैमा सूचित गरिन्छ’, आयोगका उपसचिव सुदर्शन मरहट्ठाले जारी गरेको विज्ञप्तिमा उल्लेख गरिएको छ ।