काठमाडौं । राष्ट्रिय वाणिज्य बैंक लिमिटेडको ब्राण्ड एम्बासडरमा ‘मिस नेपाल वल्ड-२०२२’ प्रियंका रानी जोशी नियुक्त भएकी छन् ।

आफ्नो व्यवसाय प्रवद्र्धनको लागि ‘मिस नेपाल वल्ड-२०२२’ लाई सोमबार एक कार्यक्रमका बीच ब्रान्ड एम्बासडरमा जोशीलाई नियुक्ती गरिएको जनाएको छ । राष्ट्रिय वाणिज्य बैंक र दी हिडन ट्रेजर प्रा.लि. बिच भएको सम्झौतामा बैंकको तर्फबाट प्रमुख कार्यकारी अधिकृत किरणकुमार श्रेष्ठ र दी हिडन ट्रेजर प्रा.लिको तर्फबाट अध्यक्ष दीवाकर राजकर्णिकारले हस्ताक्षर गरेका थिए।

बैंकका प्रमुख कार्यकारी अधिकृत श्रेष्ठले बैंकले प्रवाह गरिरेको आधुनिक बैंकिङ्ग सेवाको बारेमा खासगरी युवावर्गका ग्राहकहरुमा थप जानकारी दिई आफ्नो व्यवसायलाई प्रवद्र्धन गर्नको निमित्त ब्रान्ड एम्बासडरमा मिस नेपाल वल्र्ड २०२२ जोशीलाई नियुक्त गरिएको बताए । कार्यक्रममा दी हिडन ट्रेजर प्रालिको तर्फबाट अध्यक्ष दीवाकर राजकर्णिकारले यस्तो सम्झौताले दुवै सस्थाको इमेज निर्माण भई देशको पर्यटन तथा आर्थिक क्षेत्रको विकासमा सहयोग पुग्ने बताए ।

उक्त कार्यक्रममा ‘मिस नेपाल वल्ड-२०२२’ जोशीले आफु इतिहास बोकेको सरकारी स्वमात्विमा रहेको वाणिज्य बैंकको ब्रान्ड एम्बासडर हुन पाउदा अत्यन्त खुसी लागेको बताइन् ।

कार्यक्रममा बैंकका उपकार्यकारी अधिकृतहरु देवेश प्रसाद लोहनी, विमल डंगोल, पवन रेग्मी, विनयरमण पौडेल, दुर्गाकुमारी कंडेल, विभागीय प्रमुखहरु, दी हिडेन ट्रेजरका निर्देशकद्धय सुवर्ण क्षेत्री प्रमोद कंसकार, ‘मिस नेपाल वल्ड-२०२०’ नम्रता श्रेष्ठ, ‘मिस नेपाल अर्थ-२०२२’ डा.सरिसा श्रेष्ठ, ‘मिस नेपाल इन्टरनेशनल-२०२२’ न्यान्सी खड्का लगायत बैंकका कर्मचारीहरुको उपस्थिति रहेको थियो ।

बैंकको हाल ७ प्रदेश, ७७ जिल्लामा २५८ वटा शाखा कार्यालय, ५१ वटा एक्सटेन्सन काउन्टर, २६८ वटा एटिएम र १०२ वटा शाखा रहित बैंकिङ्ग सेवा दिइरहेको छ ।