पोखरा । पोखरामा सञ्चालित टाइगर कप भलिबलको महिलातर्फको उपाधि विभागीय टोलीले हात पारेको छ । अर्को विभागीय टोली त्रिभुवन आर्मीलाई ३–१ को सेटमा पराजित गर्दै एपीएफले दोस्रो पटक उपाधि जितेको हो ।

एपीएफले आर्मीलाई पहिलो सेटमा २५–२० को स्कोरमा पराजित गर्‍यो । दोस्रो सेटमा भने आर्मीले एपीएफमाथि २५–२२ को जित निकाल्यो ।

तर, तेस्रो सेटमा २५–८ र चौथो सेटमा २५–२२ को स्कोर निकालेपछि एपीएफ विजयी भयो । उपाधिसँगै एपीएफले ५ लाख रुपैयाँ र उपविजेता आर्मीले २ लाख ५० हजार रुपैयाँ पाएको छ ।