काठमाडौं । यती एअरलाइन्सले कार्तिक २७ गतेदेखि दैनिक रुपमा भैरहवा-पोखरा-भैरहवा उडान सुरु गर्ने भएको छ । भैरहवा-पोखराको उडान समय ११:०५ बजे र पोखरा-भैरहवाको उडान समय ११:४५ बजे रहेको छ । हाललाई एकतर्फी हवाई भाडा रु.२५०० कायम गरिएको यती एअरलाइन्सले जनाएको छ ।

गौतमबुद्ध अन्तर्राष्ट्रिय विमानस्थलमा यात्रुहरुको संख्या वृद्धि गर्न टेवा पुर्‍याउने उद्देश्यले भैरहवा-पोखरा प्रत्यक्ष उडान सुरु गरेको यती एअरलाइन्सले जानकारी दिएको छ ।