दार्चुला । दार्चुलामा जीप दुर्घटना हुँदा ८ जनाको मृत्यु भएको छ । मालिकार्जुन जात्राबाट गोकुलेस्वरतर्फ गइरहेको म१ज ३३८ नम्बरको जीप आज बिहान करिब ४ बजे शैल्यशिखर नगरपालिका–५ मा पर्ने सिराडको खोलामा दुर्घटना भएको हो ।

जिपमा सवार १२ जना मध्ये छ जनाको घटनास्थलमै मृत्यु भएको छ भने २ जनाको गोकुलेश्वर अस्पतालमा मृत्यु भएको जिल्ला प्रहरी कार्यालय दार्चुलाका प्रहरी प्रमुख डिएसपी प्रकाश दाहालले जानकारी दिए ।

चालकसहित ४ जना घाइते भएका छन् । घाइतेको उद्धार गरी गोकुलेश्वर अपस्पतालमा उपचार भइरहेको छ । घाइते मध्ये १ जनाको अवस्था गम्भीर रहेको छ । दुर्घटनामा ज्यान गुमाउनेको सनाखत हुन बाँकी छ । घटनाबारे थप विवरण आउन बाँकी छ ।