काठमाडौं । काभा पुरुष भलिबल क्लब च्याम्पियनशिपको सेमिफाइनल समीकरण पूरा भएको छ । इरानको १८ वर्षमुनिको क्लब लिगको शीर्ष स्थान, नेपालको हेल्प नेपाल स्पोर्ट्स क्ल दोस्रो स्थान, भारतको क्यालिकट हिरोज तेस्रो स्थान र माल्दिभ्सको क्लब एचडीसी चौथो स्थानमा रहे ।

आज भएको लिग चरणको अन्तिम खेलमा गण्डकी प्रदेश भलिबल सङ्घले क्यालिकट हिरोजसँग तीन–शून्यको सोझो सेटको हार बेहोर्दै समूह चरणबाट बाहिरियो । यस्तै आजको पहिलो खेलमा इरानको युवा टोलीले हेल्प नेपाललाई तीन–एकको सेटमा हरायो ।

काभा पुरुष भलिबल क्लब च्याम्पियनशिपको पहिलो सेमिफाइनलमा भोलि दिउँसो साढे २ बजे इरानको युवा टोली र क्यालिकट हिरोज खेल्नेछन् । यस्तै दोस्रो सेमिफाइनलमा बेलुकी ५ बजे हेल्प नेपाल र एचडीसी क्लब खेल्नेछन् । फाइनल खेल पर्सि शनिवार बेलुकी साढे ४ बजे हुनेछ ।