काठमाडौं । जय एलिट टफ्रीको आइतबारको खेलमा पुलिस क्लबका ललित राजवंशीले सात विकेट लिएका छन् । पर्साको वीरगञ्जमा भएको खेलमा पुलिसले टस जितेर आर्मीलाई पहिला ब्याटिङमा बोलाएको थियो । आर्मीलाई पुलिसले ३४.४ ओभरमै १२१ रनमा अलआउट गरको छ । जसमा ललित एक्लैले सात विकेट लिए । यस्तै कुशल भुर्तेल, श्रवण यादव र राशिद खानले एक एक विकेट लिए ।

आर्मीका लागि कुशल मल्लले सर्वाधिक २५ रन बनाए । अब केही समयपछि पुलिसले आफ्नो पहिलो इनिङ्स खेल्नेछ । दुई दिवसीय क्रिकेट घरेलु मैदानमा लामो समयपछि फर्किएको हो । तर, रेड बल क्रिकेटमा नेपाली ब्याटरहरू भने टिक्न सकेनन् ।

उता अर्को खेलमा बागमती प्रदेश र मधेश प्रदेश प्रतिस्पर्धा गरिरहेका छन् । टस जितेर पहिला ब्याटिङ गरेको मधेशले ९८ रन बनाउँदा ७ विकेट गुमाइसकेको छ । बागमतीका कप्तान सन्दीप लामिछानेले ४ विकेट लिएका छन् ।