काठमाडौं । इटालियन सुपर कपको उपाधि एसी मिलानले जितेको छ । गएराति साउदीको रियादमा भएको फाइनल खेलमा एसी मिलानले इन्टर मिलानलाई ३–२ गोलले हराउँदै उपाधि जितेको हो ।

साविक विजेता इन्टरले शुरुवाती दुई गोल गरे पनि अग्रता जोगाउन सकेन । उसका लउटारो मार्टिनेज र मेहदी टारेमीले गोल गरे ।

त्यस्तै मिलानका लागि थिएओ हर्नान्डेज, क्रिस्टियन पुलिसिच र अब्राहमले गोल गरे । सन् २०१६ यता एसी मिलानको यो पहिलो उपाधि हो ।