काठमाडौं । आईसीसी च्याम्पियन्स ट्रफीका लागि दक्षिण अफ्रिकाको टोली घोषणा भएको छ ।

च्याम्पियन्स ट्रफीका लागि तेम्बा बभुमाको कप्तानीमा क्रिकेट दक्षिण अफ्रिकाले १५ सदस्यीय टोली घोषणा गरेको हो । टोलीमा तीव्र गतिका बलरद्वय एनरिच नोर्किया र लुंगी एनगिडी पनि परेका छन् । दुवै जना खेलाडीले चोटका कारण घरेलु सिजन खेल्न पाएका थिएनन् ।

यस्तै टोलीमा परेका १० जना खेलाडीले सन् २०२३ को एकदिवसीय विश्वकपको सेमिफाइनल खेलेका थिए । यस्तै वियन मुल्डर, टोनी डिजार्जी र रियान रिकलटनले पहिलो पटक आईसीसीको सिनियर प्रतियोगितामा भाग लिँदैछन् ।

नवौं संस्करणको च्याम्पियन्स ट्रफी आउँदो फेब्रुअरी १९ देखि मार्च ९ तारिखसम्म पाकिस्तानमा आयोजना हुँदैछ । यस्तै भारतका खेल भने यूएईमा हुनेछ । प्रतियोगितामा दक्षिण अफ्रिका समूह ‘बी’ मा छ । दक्षिण अफ्रिकाले फेब्रुअरी २१ मा अफगानिस्तानसँग खेल्दै प्रतियोगिताको शुरुआत गर्नेछ ।

दक्षिण अफ्रिकाकाे टाेली

तेम्बा बभुमा (कप्तान), टोनी डिजार्जी, मार्को यानसन, हेनरिच क्लासेन, केशव महाराज, एडन मार्करम, डेभिड मिलर, वियन मुल्डर, लुंगी एनगिडी, एनरिच नाेर्किया, कगिसो रबाडा, रियान रिकलटन, तबरेज शम्सी, ट्रिस्टन स्टब्स र रसि भान डेर डसेन ।