काठमाडौं । त्रिभुवन विश्वविद्यालय केन्द्रीय क्याम्पसमा सोमबार स्वतन्त्र विद्यार्थी युनियन (स्ववियु) निर्वाचनकाे मतदान सम्पन्न भएको छ । त्रिविका मतदान अधिकृत डा. अवतार सुवेदीका अनुसार कुल मतदाता छ हजार १४६ मध्ये तीन हजार ११८ मत खसेको छ ।

उनले त्रिविमा विद्युतीय मेसिनबाट मतदान भएको जानकारी दिए ।

उनले मतदान सम्पन्न भएकोले केहिबेरमा सर्वदलीय बैठक पश्चात् मतगणनाको प्रक्रिया सुरु हुने बताए । विद्युतीय मतदान भएका कारण नतिजा केही समयमा नै आउने उनको भनाइ छ ।