काठमाडौं । सानो उमेरका नानीहरूको लागि विद्यालय भनेको केवल पढ्ने स्थान मात्र होइन, जीवनमा पहिलो पटक घर बाहिरको अनुभव लिन पाउने, नयाँ साथीहरू बनाउने, रमाइलो गर्ने र आफ्नो बालपनको अद्भुत यात्रालाई आरम्भ गर्ने ठाउँ हो ।

जब नानीहरू पहिलो पटक बाबुआमाको हात समाएर विद्यालयको ढोका हुँदै प्रवेश गर्छन्, उनीहरूको आँखामा झल्किने कौतुहलता, न्यानो आशा र अलिकति डर हामीले सधैं महसुस गर्छौं । त्यो क्षणमा केवल नानीहरू मात्र होइन, अभिभावकहरूको मुटुमा पनि एउटै चिसो र उत्तिकै मिठासिलो उत्साह हुन्छ । किनभने विद्यालय भनेको केवल शिक्षाको केन्द्र होइन, स्नेह, सुरक्षाको आश्रय र उज्यालो भविष्यको आधारशिला हो ।

यही भावनालाई आत्मसात गर्दै, यूरोकिड्स इन्टरनेशनल स्कूल, इमाडोलकी संस्थापक प्रधानाध्यापक निशा थापाले गहिरो माया र प्रतिबद्धताका साथ भनिन्, “हामी नानीहरूको खुशी, सुरक्षा र समग्र विकासलाई हाम्रो पहिलो प्राथमिकता मान्छौं । विद्यालय भनेको नानीहरूको दोस्रो घर हो, जहाँ उनीहरू माया, सुरक्षा र प्रेरणाको वातावरणमा हुर्कन्छन् । हामी नानीहरूको डर हटाएर, उनीहरूको उत्साह र जिज्ञासालाई अझ प्रज्वलित बनाउने वातावरण दिन प्रतिबद्ध छौं ।”

उनले थपिन्, “शिक्षा भन्नाले केवल पाठ्यपुस्तकको ज्ञान होइन, जीवनका हरेक पक्षमा नानीहरूलाई सक्षम बनाउने यात्रालाई बुझिन्छ । यूरोकिड्स इमाडोलमा हामी विश्वास गर्छौं, प्रत्येक नानी अपार सम्भावनाको धनी हुन्छ । उनीहरूको अबोध मनमा सिर्जनात्मकता, अन्वेषण गर्ने भावना र असीमित कल्पनाशक्ति हुन्छ । यी सम्भावनाहरूलाई उजागर गर्न हामीले उनीहरूको उमेर र विकासक्रमलाई मध्यनजर गरेर वैज्ञानिक र बालमैत्री शिक्षण पद्धति अपनाएका छौं ।”

नानीहरूलाई जबरजस्ती रटानबाट नभइ खेल्दै सिकाइने भन्दै उनले भनिन्, “यहाँ नानीहरूले खेल्दै सिक्छन्, रमाउँदै बढ्छन् । जबरजस्ती र रटान होइन, अनुभव र अन्वेषणका माध्यमबाट सिकाइलाई जीवन्त बनाइन्छ । रमाइलो गतिविधि, खेलकुद, सिर्जनात्मक अभ्यास, नाटक, गान, नृत्य र अन्वेषणका माध्यमबाट नानीहरूलाई सिकाइ पुर्‍याइन्छ । यसरी उनीहरू आत्मविश्वासका साथ नयाँ कुरा सिक्छन्, आफ्ना विचारहरू व्यक्त गर्न सिक्छन् र सामाजिक सञ्जाल विस्तार गर्छन् । यहाँ सिकाइ एक रमाइलो यात्राजस्तै हुन्छ, जहाँ प्रत्येक दिन नयाँ खोज र नयाँ उत्साहले भरिपूर्ण हुन्छ ।”

नेपालमै यूरोकिड्स ब्रान्डको इतिहास हेर्ने हो भने, यो ब्रान्डले दुई दशकभन्दा बढी समयदेखि आफ्नो पहिचान बनाउँदै आएको छ । हजारौं अभिभावकहरूको पहिलो रोजाइमा रहनु केवल ब्रान्डको नामको कारण मात्र होइन, विश्वास र भरोसाको गहिरो सम्बन्ध हो। यूरोकिड्सले शिक्षामा नवीनता, बालमैत्री वातावरण र अत्याधुनिक सिकाइ पद्धतिहरूलाई आत्मसात गर्दै आफ्ना नानीहरूको भविष्य उज्यालो बनाउन सफल भएको छ ।

इमाडोल शाखाले पनि यही गौरवशाली परम्परालाई आत्मसात गर्दै, छोटो समयमै १५० भन्दा बढी बालबालिका र अभिभावकहरूको विश्वास जितिसकेको छ । दुई वर्षको छोटो अन्तरालमै यस्तो महत्वपूर्ण उपलब्धि हासिल गर्नु हाम्रो विद्यालयको गुणस्तरीय शिक्षण पद्धति र अभिभावकहरूको विश्वासको प्रतिफल हो । यहाँका नानीहरू विद्यालय आउन पाउँदा उत्साहित हुन्छन्, छुट्टीका दिनहरू तिनलाई लामो लाग्छ । विद्यालय नआउनुपर्ने दिनहरूमा उनीहरू रून्छन्, पिराउँछन् । यस्तो दृश्य देख्दा हामी गर्वका साथ भन्छौं — हाम्रो विद्यालय साँच्चिकै नानीहरूको “दोस्रो घर” भइसकेको छ ।

यूरोकिड्स इमाडोलमा नानीहरूलाई जीवनमा आवश्यक गुणहरू विकास गर्न मद्दत गर्ने संस्थापक प्रधानाध्यापक निशा थापाले बताइन् ।

उनले भनिन्, “यूरोकिड्स इमाडोलमा हामी नानीहरूलाई केवल राम्रो विद्यार्थी बनाउन सीमित छैनौं, उनीहरूलाई जीवनमा आवश्यक गुणहरू विकास गर्न मद्दत गर्छौं । आत्म-आस्था, सहकार्य, अनुशासन, करुणा र रचनात्मक सोच जस्ता जीवनोपयोगी सीपहरू सिकाइन्छ । नानीहरूलाई आफ्नो आवाज कसरी व्यक्त गर्ने, समस्या कसरी समाधान गर्ने र सफलताको लागि कसरी आत्म-प्रेरित हुने भन्ने कुरा सिकाइन्छ। हाम्रो लक्ष्य हो नानीहरूलाई केवल प्रमाणपत्र होइन, जीवनका पाठहरू प्रदान गर्नु ।”

यहाँ प्रत्येक कक्षाकोठा र प्रत्येक खेलमैदान एउटा प्रयोगशाला भएकाेले नानीहरूले अनुभवबाट सिक्ने संस्थापक प्रधानाध्यापक थापाकाे विश्वास छ । उनले थपिन्, “यही सोचका साथ हामी गौरवका साथ भन्छौं — “यहाँ हरेक बच्चा भविष्यको शिल्पकार बनेर अघि बढ्छ र हामी तिनको यात्रामा साथी र मार्गदर्शक बन्ने छौं ।” हामी विश्वास गर्छौं, सिकाइ भनेको केवल पाठशाला भित्र मात्र सीमित हुनुपर्दैन । यहाँ प्रत्येक कक्षाकोठा र प्रत्येक खेलमैदान एउटा प्रयोगशाला हो, जहाँ नानीहरूले अनुभवबाट सिक्छन् । प्रकृतिसँग नजिक रहँदै, समुदायका अनुभवी व्यक्तिहरूबाट पाठ सिक्दै, र आफ्नै प्रयोगहरू गर्दै, उनीहरू जीवनका विविध पक्षहरू बुझ्दै जान्छन् ।”

अभिभावकहरूका लागि पनि यूरोकिड्स इमाडोल विश्वासको नाम भएकाे उनले बताइन् । उनले भनिन्, “हामी उनीहरूलाई केवल सेवा दिने होइन, साझेदार बनाउँछौं । नानीहरूको विकासयात्रामा अभिभावकहरू हाम्रो अभिन्न सहयात्री हुन् भन्ने विश्वासका साथ हामी उनीहरूसँग नियमित अन्तरक्रिया गर्छौं । विद्यालयमा नियमित रूपमा आयोजना गरिने अभिभावक-शिक्षक बैठक, कार्यशाला र चाडपर्वहरूमा उनीहरूको सक्रिय सहभागितालाई प्रोत्साहन गर्दछौं ।”

निशा थापाको नेतृत्वमा, विद्यालयले नानीहरूलाई माया र सुरक्षा मात्र होइन, भविष्य निर्माण गर्ने दृढ संकल्प पनि दिन्छ। उहाँको बालमैत्री दृष्टिकोण, शिक्षाप्रतिको समर्पण र नानीहरू प्रतिको ममताले विद्यालयलाई एउटा विशेष स्थानमा पुर्‍याएको छ ।

उनी भन्छिन्, “हामी विश्वास गर्छौं, हाम्रो स्नेह र शिक्षाले तिनीहरूको सपनाहरू पखेटा फिजाउनेछन् । यहाँ सिकाइ मात्र होइन, जीवन रमाइलोसँग जिउने तरिका पनि सिकाइन्छ । युरोकिड्स इमाडोलका लागि हरेक बिहान एक नयाँ अवसर हो — नानीहरूको उज्यालो भविष्य निर्माण गर्ने अवसर । हरेक बिहान विद्यालयको ढोका खोल्दा, तिनका अनुहारमा देखिने चमकले हामीलाई हाम्रो जिम्मेवारी स्मरण गराउँछ । हाम्रो लागि नानीहरूको हाँसो नै हाम्रो प्रेरणा हो, र उनीहरूको उज्यालो भविष्य हाम्रो साझा सपना । यसैले त, हामी गर्वका साथ भन्छौं — यूरोकिड्स इन्टरनेशनल स्कूल, इमाडोल — मेरो दोस्रो घर । यहाँ नानीहरू सुरक्षित छन्, यहाँ उनीहरू रमाउँछन्, यहाँ उनीहरू सिक्छन्, हाँस्छन् र भविष्यतर्फ आत्मविश्वासका साथ अघि बढ्छन् ।”