काठमाडौं । प्रतिनिधि सभाको बैठक बुधबार दिउँसो १ बजेसम्मका लागि स्थगित भएको छ ।

सोमबार अपराह्न केहीबेर बसेको बैठक विपक्षी दलका सांसदहरूको अवरोधपछि आधा घन्टाका लागि स्थगित भएको थियो ।

आधा घन्टापछि बैठक बस्न सकेन ।

त्यसपछि संघीय संसद सचिवालयले सूचना टाँसेर बुधबार दिउँसो १ बजेसम्मका लागि बैठक स्थगित गरेको हो ।

भिजिट भिसा प्रकरणमा गृहमन्त्री रमेश लेखकको राजीनामा माग गर्दै विपक्षी दलहरूले संसद् बैठक अवरोध गर्दै आइरहेका छन् ।

सत्ता र प्रतिपक्षबीच संसद् खुलाउनेबारे निरन्तर छलफल चलिरहेको छ ।