इटहरी । प्रहरीले यातायात व्यवस्था कार्यालय इटहरीबाट प्रहरीले नक्कली चिकित्सकसहित १७ जना बिचौलियालाई पक्राउ गरेको छ । हिजो बुधबार दिउँसो कार्यालय परिसरबाट बिचौलियालाई पक्राउ गरिएको प्रहरीले जानकारी दिएको छ ।

कार्यालयको स्थलगत अनुगमन गर्दा नक्कली डाक्टर (आफूलाई डाक्टर भनि चिनाउने) व्यक्तिसहित १७ जना बिचौलियालाई पक्राउ गरिएको जिल्ला प्रशासन कार्यालय सुनसरीले प्रेस विज्ञप्तिमार्फत जानकारी दिएको छ ।

पक्राउ परेकाहरुमाथि कानुनी कारबाहीको प्रक्रिया अघि बढाइएको सहायक प्रमुख जिल्ला अधिकारी वेदराज फुयाँलले जानकारी दिएका छन । पक्राउ परेकालाई इलाका प्रहरी कार्यालय इटहरीमा राखिएको उनले जानकारी दिएका छन ।