क्रेमलिन । अमेरिकाले आफूले उपलब्ध गराएको लामो दूरीको क्षेप्यास्त्र रुसी भू–भागमा प्रयोग गर्न युक्रेनलाई अनुमति दिएर आगोमा घ्यू थपिरहेको रुसले भनेको छ । अमेरिकी क्षेप्यास्त्र प्रयोग गरेर युक्रेनले आफूमाथि हमला गरेमा यो हमला युक्रेनले नभएर अमेरिका आफैँले गरेको रूपमा हेरिने पनि मस्कोले भनेको छ ।

रुसले यस विषयमा यस अघि नै आफ्नो धारणा स्पष्ट पारिसकेको थियो । अमेरिकी निर्णयले रुस–युक्रेन युद्धमा अमेरिकाको नयाँ स्तरमा संलग्नतातर्फ सङ्केत गरेको पनि रुसले भनेको छ । बाहिरिँदै गरेको बाइडेन प्रशासनले आगोमा घ्यू थप्न खोजेको र युद्ध थप भड्काउन खोजेको विज्ञप्तिमा भनिएको थियो ।

यस कदमले तनावको नयाँ चक्र सुरु हुने चेतावनी पनि मस्कोले दिएको छ ।