काठमाडौं । इंग्लिस प्रिमियर लिग फुटबलमा आज पाँच वटा खेल हुँदैछन् । बेलुका पौने ८ बजे एभर्टन र चेल्सी खेल्दैछन् । चेल्सी ३४ अंकसहित दोस्रो स्थानमा र एभर्टन १५ अंकसहित १६ औँ स्थानमा छ ।

पौने ८ बजे नै म्यानचेस्टर युनाइटेड र बर्नमाउथले खेल्दैछन् । बर्नमाउथ २५ अंकसहित आठौँ स्थानमा छ भने युनाइटेड २२ अंकसहित १३ औँ स्थानमा छ ।

फुलहम र साउथह्याम्टन तथा लेस्टर सिटी र उल्भ्सको खेल पनि पौने ८ बजे नै हुनेछ । यस्तै राति सवा १० बजे टोटनहम र लिभरपुलले खेल्नेछन् ।

लिभरपुल ३६ अंकसहित शीर्ष स्थानमा छ भने २३ अंक भएको टोटनहम ११ औँ स्थानमा छ ।