काठमाडौं । विभागीय टोली एपिएफ क्लब र संकटा क्लबले ललित स्मृति एन्फा यु–१८ युथ लिगमा सहज जित निकालेको छ ।

सातदोबाटोस्थित एन्फा मैदानमा बिहीबार भएको खेलमा एपिएफले त्रिभुवन आर्मी क्लबलाई ७–२ गोलले हरायो । अर्को खेलमा संकटाले मच्छिन्द्र क्लबलाई ४–० गोलले हरायो ।

एपिएफलाई जिताउन साजन योञ्जन र सुनिल थिङले दुई दुई गोल गरे । रोहित घले, किशोर गुरुङ र विवेक थारूले एक एक गोल गरे ।

आर्मीका लागि दुवै गोल रोहित श्रेष्ठले गरे । जितसँगै २१ खेलबाट ३२ अंक बनाएको एपिएफ छैटौँ स्थानमा छ । समान खेलबाट १८ अंक बनाएको आर्मी १०औँ स्थानमा छ ।

यस्तै संकटालाई जित दिलाउन दिलान लिम्बूले दुई तथा दिवस राई र कृष्णबहादुर आलेले एक एक गोल गरे । जितसँगै २१ खेलमा ४२ अंक बनाएको एपिएफ तेस्रो स्थानमा छ । पराजित मछिन्द्र ३४ अंकसहित पाँचौँ स्थानमा छ ।