काठमाडौं । नेकपा एकता राष्ट्रिय अभियानका नेता वामदेव गौतम नेकपा एमालेमा प्रवेश गर्ने भएका छन् । आफूसहित अभियानको ठूलो समूह एमालेमा प्रवेश गर्ने उनले बताए ।

आइतबार प्रधानमन्त्री तथा एमाले अध्यक्ष केपी शर्मा ओलीसँग बालुवाटारमा भेटेपछि गौतमले अब आफू एमालेमै फर्किने पक्का भएको बताएका हुन् ।

उनले प्रधानमन्त्री ओलीबाट छिटै मिति, समय र स्थानको जानकारी आउने पनि जानकारी दिए ।

प्रधानमन्त्री तथा एमाले अध्यक्ष ओलीले गौतमजस्तो इतिहास भएको पुरानो नेता फेरि सक्रिय भएर काम गर्ने अपेक्षा रहेकाे बताए ।

गौतमले अब एकीकृत समाजवादीसँग यो बीचमा गरेका वार्ताहरूको औचित्य सकिएको बताए ।