काठमाडौं । यही माघ ९ गते भारतमा भएको रेल दुर्घटनाबाट ज्यान गुमाएका ७ जना नेपालीको विवरण परराष्ट्र मन्त्रालयले सार्वजनिक गरेको छ । दुर्घटनामा १२ जनाको मृत्यु भएको थियो ।

मृतकहरूमा अछामका ४, कैलालीका २ र बाँकेका १ जना छन् ।

दुर्घटनामा घाइते ४ नेपालीमध्ये ३ जनाको स्थानीय अस्पताल र बाँकी १ को गोदावरी अस्पताल जलगाउँमा उपचार भइरहेको परराष्ट्रले जनाएको छ ।

मृतकहरुको शव ल्याउन र घाइतेहरूको उपचारका लागि नयाँदिल्लीस्थित नेपाली दूतावास र काठमाडौंमा रहेको भारतीय दूतावाससँग समन्वय भइरहेको जनाइएको छ ।