काठमाडौं । प्रधानमन्त्री कप एकदिवसीय पुरुष राष्ट्रिय क्रिकेट प्रतियोगितामा मंगलबार (आज) दुई खेल हुँदैछन् । आज बागमती र गण्डकी प्रदेश, कर्णाली र कोशी प्रदेश भिड्न लागेका हुन्।

आज बागमती प्रदेश र गण्डकी प्रदेशबीच सिद्धार्थनगर रंगशालामा खेल बिहान ९ बजेदेखि शुरु भएकाे छ । जारी प्रतियोगितामा बागमतीले ४ खेलमा एक जित र ३ हार बेहोरेको छ भने गण्डकी प्रदेशले पनि एक जित र ३ हार बेहोरेको छ ।

त्यस्तै, आज अर्को खेलमा कर्णाली प्रदेश र कोशी प्रदेश भिड्दैछन् । एक्स्ट्राटेक ओभल क्रिकेट स्टेडियममा हुने यो खेल बिहान ९ बजेदेखि नै शुरु हुनेछ । जारी प्रतियोगितामा कर्णाली प्रदेशले ४ खेलमा एक जित र तीन हार बेहोरेको छ भने कोशी प्रदेशले ५ खेलमा एक जित र ४ हार बेहोरेको छ ।

प्रतियोगितामा अहिलेसम्म नेपाल पुलिस क्लब ५ खेलमा अपराजित रहदै १० अंकसहित शिर्ष स्थानमा छ भने त्रिभुवन आर्मी क्लब पनि ५ खेलमा अपराजित रहदै १० अंकका साथ नै दोस्रो स्थानमा रहेको छ ।

लुम्बिनी ८ अंकका साथ तेस्रोमा रहँदा अर्को विभागीय टोली एपीएफ चौथो स्थानमा छ ।