काठमाडौँ । नेकपा माओवादी केन्द्रका अध्यक्ष पुष्प कमल दाहाल (प्रचण्ड) र नेकपा महासचिव नेत्रविक्रम चन्द ‘विप्लव’बिच भेटवार्ता भएको छ । भेटमा दुई पार्टीबिच सहकार्यका विषयमा छलफल भएको स्रोतले जानकारी दियो ।

माओवादी केन्द्र र विप्लव नेतृत्वको नेकपाबिच केही दिनयता पार्टी एकताको प्रयासअनुसार छलफल हुँदै आएको छ । यसको पहल माओवादी केन्द्रका नेता कृष्णबहादुर महराले गर्दै आएका छन् । शनिवार बिहान पनि महराले नै विप्लवलाई प्रचण्डको निवास खुमलटार लगेका थिए । स्रोतले भन्यो, ‘तत्काल सहकार्य गर्ने र पार्टी एकता गर्न छलफल चलाउँदै जाने समझदारी उहाँहरूबिच भएको छ ।’