काठमाडौं । चलचित्र ‘प्रसाद २’ को छायांकन सम्पन्न भएको छ । नियमित ३१ दिनको छायांकनपछि चलचित्रको छायांकन सम्पन्न भएको चलचित्रका निर्देशन सुदर्शन थापाले सामाजिक सञ्जाल फेसबुकमार्फत जानकारी दिएका हुन् ।

विपिन कार्की र केकी अधिकारीको मुख्य भूमिका रहेको चलचित्रमा अर्पण थापा, महेश त्रिपाठी, कमलमणि नेपाल, प्रकाश घिमिरे, विशाल पहाडी, निमा पाण्डे लगायतको अभिनय रहेको छ ।

कास्कीको माछापुच्छ्रे गाउँपालिकामा छायांकन भएको फिल्म एस.जी फिल्मस् र सुलभ थापा प्रोडक्सनको ब्यानरमा निर्माण भएको हो । सुदर्शन बस्नेतको निर्माण रहेको चलचित्रका कार्यकारी निर्माता सुवास थापा हुन् ।

राजेश श्रेष्ठको छायांकन, राजनराज सिवाकोटीको संगीत रहेको चलचित्रलाई पत्रकार सुशील पौडेलले लेखेका हुन् । चलचित्रलाई २०८० सालको बैशाख १ गते रिलिज गर्ने निर्माण पक्षले जानकारी दिएको छ ।