विराटनगर । कोशी प्रदेशमा मुख्यमन्त्रीसहित चारजनाको शपथ गराउने तयारी भइरहेकाे छ । नवनियुक्त मुख्यमन्त्री केदार कार्कीले डा. शेखर कोइराला र केपी ओलीलाई भेटेर आएपछि एमालेबाट आजै २ जना र कांग्रेसका एक मन्त्रीलाई शपथ गराउने तयारी भइरहेकाे हाे ।

एमालेबाट राम राना र एकराज कार्कीलाई शपथ गराइने भइरहेकाे छ । कार्की अहिलेका भौतिक पूर्वाधारमन्त्रीसमेत हुन् । विद्रोही कांग्रेसबाट भने शमसेर राईले मन्त्रीको शपथ लिने भएका छन् । प्रारम्भिक चरणको मन्त्री विस्तारमा गठबन्धन दलमा रहेका कसैलाई कार्कीले नराख्ने भएका छन् ।

प्रदेश प्रमुखको कार्यालयमा शपथको तयारी भएको छ । मुख्यमन्त्री काठमाडौं जानुअघि हिजो १-१ जना मन्त्री बनाउने सहमति भएको थियो ।