काठमाडौं । राष्ट्रिय क्रिकेट टिमका लेग स्पिनर सन्दीप लामिछाने आईसीसीको एकदिवसीय वरीयतामा समावेश भएका छन् । आईसीसीले सार्वजनिक गरेको नयाँ ओडीआई वरीयतामा सन्दीप बलरतर्फ ९१ औं स्थानमा रहेका छन् ।

सन्दीप एकदिवसीयतर्फको वरीयतामा शीर्ष १०० भित्र समावेश हुने पहिलो नेपाली खेलाडी बनेका छन् । सन्दीपले सन् २०१८ मा नेदरल्याण्ड्सविरुद्ध पहिलो एकदिवसीय क्रिकेट खेलेका थिए । त्यसयता सन्दिपले नेपालले खेलेको सबै १४ खेल खेलेका छन् । सन्दीपले नेपालबाट एकदिवसीयमा सर्वाधिक ३५ विकेट लिएका छन् । सन्दीप टी–२० अन्तर्राष्ट्रिय वरीयतामा बलिङतर्फ भने ८१ औं स्थानमा रहेका छन् ।