काठमाडौं । प्रतिनिधि सभामा सभामुख निर्वाचनको मतविभाजन प्रक्रिया शुरु भएको छ । बिहीबार जारी प्रतिनिधि सभाको बैठकमा प्रस्तावक र समर्थकले समर्थन गरेपछि मतविभाजन प्रक्रिया शुरु भएको हो ।

सत्ता गठबन्धनले नेकपा एमालेका सांसद देवराज घिमिरेलाई समर्थन गरेको छ । कांग्रेस सांसद ईश्वरी न्यौपानेलाई कांग्रेसका साथै नेकपा एस र राष्ट्रिय जनमोर्चाले समर्थन गरेको छ । सत्ता गठबन्धनको बहुमत रहेकोले घिमिरे सभामुख निर्वाचित हुने निश्चित छ ।