काठमाडौं । चीनको दक्षिणपश्चिम तिब्बत स्वायत्त क्षेत्रको निङ्ची सहरमा गएको हिमपहिरोमा परी २८ जनाको मृत्यु भएको छ ।

खोज तथा उद्धार कार्य शुक्रबार साँझ  ५:३० मा सम्पन्न भएको थियो । उक्त हिमपहिरो मङ्गलबार साँझ ७:५० मा गएको थियो । 

हिमपहिरोपछि काउन्टीलाई निङ्चीको प्याड टाउनशिपसँग जोड्ने सुरुङबाट बाहिर निस्कने राजमार्ग अवरुद्ध भएको थियो भने यात्रु तथा सवारी साधनहरू बाटोमै फसेका थिए ।

यस क्षेत्रका सडक कच्ची रहेको तथा भू-धरातल समेत उबडखाबड रहेकाले उद्धारमा कठिनाइ भएको बताइएको थियो ।