काठमाडौं । जुम्लामा एकजनाले आत्मदाहको प्रयास गरेका छन् । जुम्ला चन्दनाथ नगरपालिकास्थित कर्णाली स्वास्थ्य विज्ञान प्रतिष्ठानका ४० वर्षीय सवारी चालक गोकर्ण कार्कीले आत्मदाह गर्ने प्रयास गरेका हुन् । कार्कीले रवि लामिछानेलाई फेरि गृहमन्त्री बनाउनु पर्ने माग गर्दै आत्मदाह प्रयास गरेका हुन् ।

जिल्ला प्रशासन कार्यालय अगाडि उनले पेट्रोल खन्याएर आत्मदाह प्रयास गरेको जिल्ला प्रशासन कार्यालय जुम्लाले जानकारी दिएको छ ।

भ्रष्टाचारीलाई कारबाही हुनु पर्ने, रवि लामिछानेले न्याय पाउनुपर्ने, गृहमन्त्री बनाउनुपर्ने भन्दै आत्मदाहको प्रयास गरेका उनलाई अहिले जिल्ला प्रशासन कार्यालयमा राखिएको छ ।