टेक्सास। अमेरिकाको टेक्सास राज्यमा बसोबास गर्दै आएका गैरआवासीय नेपाली संघका अभियन्ता कृष्ण लामिछाने आफ्नै निवासमा मृत भेटिएका छन् । समाचार स्रोतका अनुसार उनी मंगलवार साँझपख आफ्नै घरमा मृत भेटिएका हुन् ।

गोर्खा नाम्जुङ घर भएका लामिछाने नेपाली जनसम्पर्क समितिका संस्थापक मध्येका एक थिए। स्रोतका अनुसार उनी विगत केही महिनादेखि पारिवारिक समस्यामा थिए । दुई छोरी र श्रीमतीका साथ बसोबास गर्दै आएका लामिछानेको मृत्युको कारण खुलेको छैन । उनी अमेरिकाबाट नेपाली काँग्रेसको १४ औं महाधिवेशन प्रतिनिधि समेत थिए । यसैगरी स्थानीय सामाजिक संस्था नेप्लिज सोसाईटी अफ टेक्सास (एनएसटी) का पूर्व अध्यक्ष समेत थिए ।