काठमाडौं । नेपालका लागि चिनियाँ राजदूत छन् सोङले प्रधानमन्त्री पुष्पकमल दाहाल ‘प्रचण्ड’सँग भेट गरेका छन् ।
प्रधानमन्त्री दाहाललाई भेट्न राजदूत सोङ बिहीबार साँझ ५ बजे प्रधानमन्त्री निवास बालुवाटार पुगेको स्रोतले बताएको छ ।
उनीहरूबीच झण्डै एक घण्टा वार्ता भएको बताइएको छ । राजदूत सोङले प्रधानमन्त्रीको चीन भ्रमण र आगामी साता पोखरामा हुने ‘ड्रायगन बोट फेस्टिबल’को बारेमा छलफल गरेका छन् ।
राजदूत सोङले फेस्टिबलमा सहभागी हुन प्रधानमन्त्री दाहाललाई निम्तो दिएका छन् । आगामी बुधबार पोखरामा पहिलो पटक चीनबाट चार्टर फ्लाइट अवतरण हुँदैछ ।
नेपालस्थित चिनियाँ दूतावासको समन्वयमा पोखरामा ‘ड्रायन बोट फेस्टिबल’ हुन गइरहेको छ ।
प्रतिक्रिया