ओखलढुङ्गा । ओखलढुङ्गामा छिमेकीको हत्या आरोपमा ८३ वर्षीय वृद्ध पक्राउ परेका छन् । ८३ वर्षकै सोमबहादुर अधिकारीको हत्या गरेको आरोपमा प्रहरीले सुनकोशी गाउँपालिका–८ च्यानम माँझ गाउँका तिलकबहादुर कटुवाललाई पक्राउ गरेको हो ।

दुवै जनाबीच हिजो बुधवार बिहान सामान्य भनाभन भएको थियो । गोठबाट दूध लिएर घर फर्कँदै गरेका अधिकारी कटुवालले धकेल्दा लडेर घाइते भएका थिए ।

घाइते भएका अधिकारीलाई उपचारका लागि जिल्ला अस्पताल ल्याइएकोमा उनलाई चिकित्सकले मृत घोषित गरेको जिल्ला प्रहरी कार्यालयका प्रहरी निरीक्षक विकास राईले जानकारी दिए ।

प्रहरीले कटुवाललाई हिजो बेलुका पक्राउ गरेको हो ।