काठमाडौं । प्रधानमन्त्री केपी ओलीले नवनिर्वाचित अमेरिकी राष्ट्रपति डोनाल्ड ट्रम्पलाई बधाई दिएका छन् । अमेरिकाको ४७औँ राष्ट्रपतिमा निर्वाचित ट्रम्पलाई बुधबार सामाजिक सञ्जाल एक्समार्फत ओलीले बधाई दिएका हुन् ।

ओलीले ट्रम्पको कार्यकालको पूर्ण सफलताको कामना गरे । ओलीले राष्ट्रपति ट्रम्पको कार्यकालमा नेपाल र अमेरिकाबीचको सम्बन्ध थप प्रगाढ बन्नुका साथै पारस्परिक समृद्धि र सहकार्यमा टेवा पुग्ने आशा व्यक्त गरे ।