काठमाडौं । ३७ औं डिगुङ क्याब्गोन छेत्छाङ रिन्पोछेलाई डोल्पो समाजको गुम्बामा स्वागत गरिएको छ । डोल्पो समाजका अध्यक्ष ङिमा रिन्पोछे लगाएतका पदाधिकारीहरुको अनुरोधमा काठमाडौंस्थित गुम्बामा पुगेका डिगुङ क्याब्गोन रिन्पोछेलाई स्वागत गरिएको हो ।

डिगुङ क्याब्गोन रिन्पोछे बौद्द धर्मको काग्युत संकय भित्रको पबित्र डिगुङ कात्युत प्रणालीको ३७ औं मुख्य सिंहासन धारक एवम् धर्म गुरु हुन् । डिगुङ क्याब्गोन रिन्पोछे हालै सम्पन्न ६७ औँ १२ बर्षे शेल्री डुग्ड्रा मेलाको बिशेष अतिथिको रुपमा काठमाडौं आएका हुन् ।

अनुयायी तथा भक्तजनहरुलाई डोल्पो समाजको गुम्बाको प्राङ्गणमा डिगुङ क्याब्गोन रिन्पोछेबाट आर्शिवाद प्रदान भएको थियो भने रिन्पोछेद्वारा नबनिर्मित डोल्पो समाजका गुम्बा र अन्य भवानहरुको सम्पन्न पूजा अर्पण गरेको डोल्पो समाजले जनाएको छ ।