विराटनगर । सिद्धार्थ बैंक नेपाल प्रिमियर लिग (एनपिएल) को एक टोली विराटनगर किंग्सले टिमको आधिकारिक जर्सी सार्वजनिक गरेको छ ।

मंगलबार विराटनगर किङ्ग्सका मार्की खेलाडी सन्दीप लामिछानेले टिमको जर्सी सार्वजनिक गरेका हुन् ।

कोशीका मुख्यमन्त्री हिक्मत कार्की, टिम प्रवर्द्धक पारस लुनिया लगायतको उपस्थितिमा लामिछानेले जर्सी सार्वजनिक गरेका हुन् ।

विराटनगरमा आयोजित एक औपचारिक कार्यक्रममा टिमले आफ्नो ‘टिम एन्थम’ पनि सार्वजनिक गरेको छ ।

टिम गान गायक कुशल पोखरेलले आफ्नै स्वर ,लेखन र संगीतमा तयार पारेका हुन् । एन्थम हिपहप शैलीको छ ।

विराटनगर किङ्ग्सले टिम फेसका रूपमा गायिका रचना रिमाललाई प्रस्तुत गरेको छ ।

मंसिर १५ मा कीर्तिपुरस्थित त्रिवि क्रिकेट मैदानमा सुरू हुने एनपिएलको पहिलो खेलमा विराटनगर किंग्सले जनकपुर बोल्ट्सको सामना गर्दैछ ।