विराटनगर । नेपाल प्रिमियर लिगको फ्रेन्चाइज टिम विराटनगर किङ्ग्सले आइकनिक खेलाडी छनोट गरेको छ ।

बिहीबार विराटनगर किङ्ग्सले ट्यालेन्ट हन्टबाट तीन जना आइकनिक खेलाडी छनोट गरेको जानकारी दिएको हो । विराटनगरले ट्यालेन्ट हन्टबाट कमल खत्री, फिर्दोश अन्सारी र सुजन थपलियालाई आइकनिक खेलाडीका रूपमा छनोट गरेको हो । योसँगै अब तीनै जना खेलाडीले विराटनगर किङ्ग्सबाट एनपीएल खेल्ने मौका पाउनेछन् ।

विराटनगर किङ्ग्सले कोशी प्रदेशका पाँच जिल्लामा गरेको ट्यालेन्ट हन्टमा चार सयभन्दा बढी खेलाडी सहभागी भएका थिए । विराटनगर किङ्ग्सको मार्की खेलाडीमा राष्ट्रिय क्रिकेट टिमका लेग स्पिनर सन्दीप लामिछाने छन् ।