विराटनगर । मोरङको ग्रामथान गाउँपालिका अध्यक्षमा माओवादीको नमोनारायण माझी निर्वाचित भएका छन् । ६ हजार ९ सय ६९ मत ल्याएर माझी विजयी भएका हुन् । निकटम प्रतिद्वन्द्वी बलराम सरदार थारुले ५ हजार ३ सय ३३ र एमाले उम्मेदवार तुलसीराम विश्वासले ४ हजार १ सय ५९ मत प्राप्त गरेका छन् ।

यसअघिको निर्वाचनमा कांग्रेसका जयप्रकाश गच्छदार थारु निर्वाचित भएका थिए । उनले ७ हजार ६ सय ५ मत प्राप्त गरेका थिए । मास्तिकघातबाट उनको निधन भएपछि त्यस क्षेत्रमा उपनिर्वाचन भएको हो । त्यसबेला माओवादीका उम्मेदवार विजय कुमार सरदार तेस्रो भएका थिए । उनले २ हजार ७ सय २७ मत प्राप्त गरेका थिए । अहिले यो पालिका माओवादीले कांग्रेसबाट खोस्यो ।