पाथीभरामा ‘नो केबलकार समूह’द्वारा काठमाडौंमा पनि प्रदर्शन

पाथीभरामा ‘नो केबलकार समूह’द्वारा काठमाडौंमा पनि प्रदर्शन



काठमाडौं । ताप्लेजुङको पाथीभरा क्षेत्रमा देखिएको विवादमा ‘नो केबलकार समूह’ ले काठमाडौंको माइतीघर मण्डलामा पनि प्रदर्शन गरेको छ ।

सोमबार विभिन्न प्लेकार्डसहित केबलकारविरोधी समूहले प्रदर्शन गरेको हो । प्रदर्शनमा उत्रिएका आन्दोलनरत पक्षले गृहमन्त्री रमेश लेखकको राजीनामा समेत माग गरेका छन् ।

उनीहरूले असक्षम गृहमन्त्रीले राजीनामा दे!, नो केबलकार, हजारौं प्रजातीका रुखहरू काट्ने विकास चाहिँदैन, सीडीओ लगायत दोषीलाई कारबाही गर, गिरफ्तार नागरिकलाई रिहाइ गर, मुक्कुम्लुङमा राज्य आतंक बन्द गर !, लगायतका नारासहितका प्लेकार्ड बोकेका छन् ।

गत माघ १२ मा प्रहरीसँग भएको झडपका क्रममा दुईजनालाई गोली लागेको थियो । त्यसयता केबलकारविरोधी समूहले आन्दोलन चर्काउँदै आएको छ ।