सप्तरी । सप्तरीमा प्रहरीले गोली चलाएर दुई जना लागुऔषध कारोबारीलाई नियन्त्रणमा लिएको छ ।

आइतबार बिहान दुई सय ग्राम ब्राउन सुगरसहित दुई जनालाई पक्राउ गरेको लागुऔषध नियन्त्रण ब्युरोका एसएसपी कृष्ण कोइरालाले जानकारी दिए ।

पक्राउ पर्नेमा बडिविरपुर १ का विशाल राय र डाक्नेश्वरी ७ का मनोज राय छन् ।

उनीहरूलाई पक्राउ गर्न प्रहरीले दुई राउण्ड हवाइ फायर गरेको हो । ब्युरोसँगै स्थानीय प्रहरी पनि खटिएको थियो ।