मुम्बई । अभिनेत्री तथा भाजपा सांसद कंगना रनौत आगामी हरर (डरलाग्दो) चलचित्र ‘स्केरी पिक्चर’ मा मुख्य भूमिकामा देखिने भएकी छिन्। ‘भारत भाग्य विधाता’ मा अन्तिम पटक देखिएकी यी अभिनेत्रीले यस परियोजनाका लागि राणा दग्गुबातीसँग सहकार्य गर्नेछिन्।

ह्यालोविनको अवसरमा आयोजित ‘होररकन इन्डिया २०२६’ मा राणा दग्गुबाटीले घोषणा गरेअनुसार कंगना रनौत ‘स्केरी पिक्चर’ (मार्फत हरर (डरलाग्दो) विधामा फर्कँदै छिन्। तेलुगु हरर चलचित्रहरूका लागि परिचित रवि बाबुले यस चलचित्रको निर्देशन गर्नेछन् भने यो उनको पहिलो हिन्दी फिचर फिल्म हुनेछ। चलचित्रको कथावस्तु, प्रदर्शन मिति र कलाकारहरूबारेको विवरण भने अझै गोप्य राखिएको छ।

‘ह्यालोविन’काे अवसरमा नयाँ दिल्लीमा आयोजित ‘हरर-कन इन्डिया २०२६’ मा राणाले यससम्बन्धी घोषणा गरेका हुन्। उक्त कार्यक्रममा चलचित्रबारे बोल्दै राणाले यसको निर्देशन रवि बाबुले गर्ने जानकारी दिए, जसले यसअघि तेलुगु सिनेमामा थुप्रै हरर चलचित्रहरू बनाइसकेका छन्। उनले ‘स्केरी पिक्चर’ ती निर्देशकको पहिलो हिन्दी फिचर चलचित्र हुने कुरा पनि पुष्टि गरे।

राणाले भने, “यो एउटा हरर चलचित्र हो। यसका निर्देशक रवि बाबु हुन्, जो मेरा साथी हुन्। उनले तेलुगुमा धेरै हरर चलचित्रहरू बनाएका छन्। र, यो उनको पहिलो हिन्दी फिचर चलचित्र हो। यसको शीर्षक यहाँ पहिलो पटक घोषणा गरिएको हो। यो कुनै पनि हिन्दी प्रेसमा गएको थिएन, हामीले पहिलो पटक यसको जानकारी यहाँ सार्वजनिक गर्दैछौं।”

पछि कंगनाले इन्स्टाग्रामको एउटा पेजमा साझा गरिएको भिडियोलाई पुनः पोस्ट गरिन्, जसमा राणाले उक्त परियोजनाको घोषणा गरिरहेका थिए। यसले चलचित्रलाई लिएर दर्शकमा रहेको उत्साहलाई अझ बढाएको छ।

सन् २०२३ को तमिल चलचित्र ‘चन्द्रमुखी २’ पछि ‘स्केरी पिक्चर’मार्फत कंगना हरर विधामा फर्कँदै छिन्। पी. वासुद्वारा निर्देशित उक्त चलचित्रमा राघव लरेन्स र लक्ष्मी मेननका साथै वादिवेलु, राधिका सरथकुमार र अन्य कलाकारहरूको पनि अभिनय रहेको थियो। यद्यपि, सो चलचित्रले बक्स अफिसमा उल्लेखनीय प्रभाव पार्न सकेको थिएन।