आश्चर्यजनक रूपमा ग्याब्रिएलले छाडे म्यानचेस्टर युनाइटेड

आश्चर्यजनक रूपमा ग्याब्रिएलले छाडे म्यानचेस्टर युनाइटेड


ग्लोब नेपाल
0
Shares

लन्डन । रियल मड्रिड जाने प्रबल सम्भावनाका बीच किशोर प्रतिभा जेजे ग्याब्रिएलले  म्यानचेस्टर युनाइटेडलाई लक्षित गर्दै बिदाइ सन्देश पोस्ट गरेका छन्।

भविष्यका सुपरस्टार मानिएका १६ वर्षीय ग्याब्रिएलले आफ्नो १६औं जन्मदिनभन्दा एक महिना अघि सेप्टेम्बरमा, यो अङ्ग्रेजी क्लबसँगको आफ्नो दर्ता खारेज गर्न आग्रह गरेर युनाइटेडलाई चकित पारेका हुन  ।

ग्याब्रिएलले युनाइटेडको सिनियर टोलीका लागि कहिल्यै पनि कुनै प्रतिस्पर्धात्मक खेल खेलेका छैनन्। सामाजिक सञ्जालमा पोस्ट गरिएको एक भिडियोमा ग्याब्रिएलले भने, “तपाईंहरूले मलाई यस्ता पलहरू दिनुभयो, जसलाई म सधैं सँगालेर राख्नेछु। हरेक प्रशिक्षक र कर्मचारी, मेरा सहकर्मी खेलाडीहरू तथा मलाई साथ दिने सबैप्रति ममाथि विश्वास गर्नुभएकोमा र मलाई अघि बढ्न मद्दत गर्नुभएकोमा धन्यवाद।”

उनले अगाडी भने, “जब म मेरो अर्को अध्याय सुरु गर्छु, म्यानचेस्टर युनाइटेड सधैं मेरो कथाको हिस्सा रहनेछ।”

‘स्काई स्पोर्ट्स’ ले रिपोर्ट गरेको छ कि म्याड्रिडले जनवरीमा ग्याब्रिएललाई आधिकारिक रूपमा अनुबन्ध गर्न युनाइटेडसँग सम्झौता गरेको छ।  पूर्व आयरिश अन्तर्राष्ट्रिय जो ओ’सेरुइलका छोराले गत सिजन युनाइटेडको ‘एकेडेमी प्लेयर अफ द इयर’ को अवार्ड जितेका थिए र उनलाई पहिलो टोलीमा छिट्टै समावेश गरिने अपेक्षा गरिएको थियो।

अगस्टमा एटलेटिको मड्रिडविरुद्धको मैत्रीपूर्ण खेलमा डेब्यु गरे पछि सेप्टेम्बरमा ब्राइटनविरुद्धको लिग कप खेलमा ग्याब्रिएल क्लबको सबैभन्दा कान्छो खेलाडी बन्ने तयारीमा थिए। यद्यपि, उनले त्यो खेलको पूर्वसन्ध्यामा क्लब छोड्ने आफ्नो इच्छा प्रकट गरे।