भर्जिनिया, अमेरिका । अन्तत: हराईरहेकी ममता काफ्लेको अनुसन्धानको नजिक प्रहरी पुगेपछि आजै यस बारेमा विस्तृत जानकारी दिने प्रहरीले बताएको छ । स्थानीय समय अनुसार आज बिहान प्रहरीले ममताको पति नरेश भट्टलाई उनकै निवासबाट पक्राउ गरेको छ । यसैगरी प्रहरीले नरेश र ममताको एक मात्र नाबालिका छोरीलाई पनि आफ्नै साथमा लिएर गएको छ ।

नर्सिङ पेशामा आबद्ध २८ वर्षिया ममता विगत २१ दिनदेखि हराईरहेकी थिइन् । अहिलेसम्म उनको अवस्था अज्ञात रहेको छ । उनी हराएपछि स्थानीय प्रहरीले खाेजी प्रयास गरिरहेको थियो भने नेपाली समुदायले खोजीका लागि निरन्तर दबाब दिइरहेका छन् । भर्जिनियाकाे मनास्समा स्थायी बसोवास गर्ने ममता २१ दिन पहिले काममा नपुगेपछि उनका सहकर्मीहरुले पति र प्रहरीलाई जानकारी गराएका थिए ।

हराईरहेकी ममता नेपालको काभ्रे जिल्लाकी हुन् भने उनका पति नरेश भट्ट चाहिँ डडेलधुराका हुन् । यसभन्दा पहिले हिजो मात्र प्रहरीले अनुसन्धानको घेरालाई साँघुरो बनाउँदै ममताको निवासमा छापा मारेको थियो । तत्पश्चात प्रहरीले प्रेसलाई संक्षिप्त जानकारी दिँदै अनुसन्धानका लागि पति नरेश भट्टले आवश्यक सहयोग नगरेको बताएको थियो ।

त्यस लगत्तै भट्टलाई आज बिहान निवासबाटै पक्राउ गरेपछि हराईरहेकी ममताको अवस्था बारे रहस्य तथा अन्योलको पर्दाफास हुने समुदायका अगुवाहरुले विश्वास लिएका छन् ।

यस बारे थप जानकारी दिँदै जानेछौं ।

भिडियो-