लन्डन। प्रिमियर लिग क्लब आर्सनलले युइएफए च्याम्पियन्स लिग अन्तर्गतको खेलमा पोर्चुगलको क्लब स्पोर्टिंगलाई फराकिलो अन्तरले पराजित गरेको छ। गएराती सम्पन्न खेलमा आर्सनलले स्पोर्टिंग सिपीलाई ५-१ गोल अन्तरले पराजित गरेको हो।

आर्सनलको जितमा गार्बियल मार्टिनेली, काइ हाभेर्ट, गाब्रियल मागालहाएज, बुकायो साका र लीन्द्रो ट्रोसार्डले एक एक गोल गरेका थिए। त्यस्तै स्पोर्टिंगका लागि एक गोल गोन्कालो इनासियोले गरेका थिए।

यो जितपछि आर्सनलको ५ खेलमा १० अंक भएको छ र लिगमा सातौं स्थानमा उक्लिएको छ। त्यस्तै स्पोर्टिंगको ५ खेलमा १० अंक नै छ र लिगमा आठौ स्थानमा रहेको छ।

फेयनोर्डले म्यानचेस्टर सिटीलाई बराबरीमा रोक्यो

युइएफए च्याम्पियन्स लिगअन्तर्गत डच क्लब फेयनोर्डले म्यानचेस्टर सिटीलाई बराबरीमा रोकेको छ। गएराति सम्पन्न खेलमा म्यानचेस्टर सिटी र फेयनोर्ड ३-३ गोलको बराबरीमा रोकिएका हुन्। ३-० ले पछि परेको फेयनोर्डले खेलमा कमब्याकगर्दै सिटीलाई बराबरीमा रोकेको थियो।

म्यानचेस्टर सिटीका लागि इर्लिंग हालाण्डले २ गोल गरेका थिए भने इके गुनडोगानले एक गोल गरेका थिए। त्यस्तै फेयनोर्डका लागि अनिस हाड मोउसा, सान्टीआगो गिमेनेज र डेभिड हानकोले एक एक गोल गरेका थिए।

यो बराबरीपछि म्यानचेस्टर सिटीको ५ खेलमा ८ अंक भएको छ र १५औ स्थानमा छ भने फेयनोर्डको ५ खेलमा ७ अंक रहेको छ र २०औ स्थानमा रहेको छ।