काठमाडौं । नेपाल प्रिमियर लिग (एनपीएल)मा चितवन राइनोजबाट खेल्न नामिबियाका युवा ब्याटर निकोल लोफ्टी इटन बुधबार नेपाल आइपुगेका छन् ।

इटनलाई त्रिभुवन अन्तर्राष्ट्रिय विमानस्थलमा चितवन राइनोजका पदाधिकारीहरूले स्वागत गरेका थिए । इटनले नामिबियाका लागि ३९ टी-२० खेलमा ४१४ रन बनाउनुका साथै १२ विकेट लिएका छन् ।

चितवन राइनोजका मार्की खेलाडी अलराउन्डर कुशल मल्ल हुन् भने प्रमुख प्रशिक्षक राष्ट्रिय टोलीका पूर्वप्रशिक्षक उमेश पटवाल छन् । नेपाल क्रिकेट संघ (क्यान) को आयोजनामा हुन लागेको पहिलो संस्करणको एनपीएल १५ मंसिरदेखि ६ पुससम्म कीर्तिपुरस्थित त्रिवि क्रिकेट मैदानमा हुनेछ ।