काठमाडौं । विराटनगर किङ्सबाट नेपाल प्रिमियर लिग (एनपीएल) खेल्न क्यानडाका ब्याटिङ अलराउन्डर निकोलस किर्टनलाई नेपाल आइपुगेका छन् ।

किर्टन बिहीबार बिहान नेपाल आइपुगेको विराटनगर किङ्सले जनाएको छ । किर्टनलाई त्रिभुवन अन्तर्राष्ट्रिय विमानस्थलमा विराटनगर किङ्सका पदाधिकारीहरूले स्वागत गरेका थिए ।

२६ वर्षीय क्यानेडियन ब्याटिङ अलराउन्डर किर्टनले १८ ‌ओडीआई खेलमा ४९६ रन बनाउनुका साथै ४ विकेट लिएका छन् । यस्तै, २५ टी-२० आईमा किर्टनले ५६४ रन बनाउनुका साथै १ विकेट लिएका छन् ।

विराटनगर किङ्सका मार्की खेलाडी नेपाली राष्ट्रिय टिमका लेग स्पिनर सन्दिप लामिछाने हुन् । विराटनगर किंग्सका मुख्य प्रशिक्षक आयरल्यान्डका पूर्वक्रिकेटर केबिन ब्राइन हुन् ।