अछाम । अछामको विभिन्न स्थानमा वर्षासँगै आएको पहिरोमा परी २ जनाको मृत्यु भएको छ । लगातारको वर्षाका कारण कमलबजार नगरपालिका र तुर्माखाँद गाउँपालिकामा ठूलो जनधनको क्षति भएको बताइएको छ । जिल्ला प्रशासन कार्यालय अछामका अनुसार पहिरोले तुर्माखाँद गाउँपालिका–५ नारामा दुई घर पुरिएका छन् ।

शनिबार बिहान ४ बजे पहिरोले २ घर पुर्दा एकै परिवारका ९ जना बेपत्ता भएका छन् । पहिरोभित्र केही शव देखिएको स्थानीयले बताएका जिल्ला प्रहरी कार्यालय अछामका प्रहरी प्रमुख डिएसपी नारायण डागीले बताए ।

उनले घटनास्थलमा उद्धार टोली पुगिसकेको भए पनि पूरा विवरण आउन बाँकी रहेको जानकारी दिए । उनले कमलबजार–६ मा पनि पहिरोले घर पुरिएको र त्यहाँ रहेकाको उद्धार कार्यका लागि टोली घटनास्थल पुगेको बताए ।