काठमाडौं । गीतकार दिनेशराज पुरीको मौलिक सिर्जनामा ‘यो साल नि परदेशमै तीज’ बोलको गीत सार्वजनिक भएको छ।

गीतमा दिनेशको शब्द सँगै दिपकराज विश्वकर्माको संगीत र संगीत संयोजन रहेको छ भने रचना रिमालको स्वर रहेको छ। गीतमा गायिका रचना रिमाल, आभा थापा, अनिशा ओली, अन्जना बराइली र एलिना रानालाई भिडियोमा फिचरिङ गरिएको छ भने बिक्रम चौहानको निर्देशन छ।

प्रकाश खरेलको मिक्सिङ तथा मास्टरिङ रहेको उक्त गीतलाई प्रकाश खड्का र टीमले खिचेका हुन्। गीत रचना रिमाल अफिसियल युट्युबबाट सार्वजनिक गरिएको छ।

माइतीबाट पर रहेका आम चेलिहरुलाई आफू जहाँ पुगिन्छ, त्यहीँ रमाइलो गर्नुपर्छ भन्ने सन्देश बोकेको गीतले दर्शक स्रोताको मन जितिरहेको छ। तीज गीत भन्ने वित्तिकै मौलिकता जोडिनुपर्ने बताउने गीतकार दिनेशले आफ्नो सिर्जनामा सोही प्रयास गरेका छन्।

२०७२ सालमा आफ्नो पहिलो गीत ‘आँसुले बाटो’ निकालेका दिनेशका ‘कसम कसम’ चलचित्र म यस्तो गीत गाउँछु-२, छल छल, रुन दिन्न, धारै नखोली, आँट गरेनौ भने, डाँडै काटौंला चक्लेटी स्याउ लगायतका दर्जनौं गीत सार्वजनिक भइसकेका छन्।