नेपाल एअरलाइन्सका दुई पाइलट निलम्बन

काठमाडौं । नेपाल नागरिक उड्यन प्राधिकरणले नेपाल एअरलाइन्सका दुई पाइलटलाई कारबाही स्वरुप निलम्बन गरेको छ । उनीहरुले फ्लाइट सेफ्टीको नियम पालना नगरेको भन्दै यस्तो कारबाही गरेको हो । प्राधिकरणका अनुसार काठमाडौंदेखि जापानको नारिता उडानका क्रममा उनीहरुले नियम पालना नगरेको देखिएपछि निलम्बन गरेको हो । उनीहरुलाई अर्को सूचना नभएसम्मका लागि निलम्बन गरिएको प्राधिकरणले जनाएको छ ।