रुपन्देही । रुपन्देहीको लुम्बिनी सांस्कृतिक नगरपालिका–२ अर्दौलीमा रहेको दानव नदीमा पौडी खेल्ने क्रममा बेपत्ता भएकामध्ये दुई जना बालकको शव भेटिएको छ ।

बेपत्ता बालकहरूको शव सशस्त्र प्रहरी बलको गोताखोरले आज बिहान निकालेको हो । मृतक बालकहरू लुम्बिनी सांस्कृतिक नगरपालिकाका १३ वर्षीय उमेश यादव र १२ वर्षीय मुनु हरीजन रहेका प्रहरीले जनाएको छ ।

१४ वर्षीय राज यादको शव भने हिजो साँझ फेला परेको थियो । उनीहरूको खोजीका लागि राति नै सशस्त्र प्रहरी बल नेपालको गोताखोर परिचालन गरिएको थियो ।