अमेरिकी राष्ट्रपति डोनाल्ड ट्रम्पको नीतिको प्रभाव विश्वभर परिरहेको छ । यसपटक शाही परिवारकी राजकुमारी पनि यसको सिकार भएकी छिन् । राजकुमारी एलिजाबेथ, बेल्जियमको भावी रानी हुन्, ​​जो हार्वर्ड विश्वविद्यालयमा सार्वजनिक नीति अध्ययन गरिरहेकी थिइन । 

तर, ट्रम्पको हार्वड नीतिले  अहिले उनी आफ्नो करियरलाई लिएर अन्योलमा परेकी छन् । ट्रम्प प्रशासनको नयाँ निर्णयले अमेरिकामा अध्ययन गर्ने विदेशी विद्यार्थी माथि प्रश्न उठेको छ । यस कारण एलिजाबेथको अर्को शैक्षिक वर्ष असन्तुलन देखिएको हो ।

हार्वर्ड विश्वविद्यालयमा स्नातकोत्तरको पहिलो वर्ष पूरा गरिसकेकी २३ वर्षीया एलिजाबेथले अब अमेरिका छोड्नुपर्ने वा अर्को विश्वविद्यालयमा सरुवा गर्नुपर्ने हुन सक्छ। कारण यो हो कि ट्रम्प सरकारले हार्वर्डमा विदेशी विद्यार्थीहरूलाई भर्ना गर्ने अनुमति फिर्ता लिएको छ र यो नियम अन्य कलेजहरूमा पनि जुनसुकै बेला लागू गर्न सक्ने देखिएको छ ।

उता, बेल्जियमको शाही परिवार पनि ट्रम्पको यो निर्णयबाट स्तब्ध भएको छ। शाही परिवारका प्रवक्ता लोर भान्डुर्नले राजकुमारी एलिजाबेथले भर्खरै आफ्नो पहिलो वर्ष पूरा गरेको बताइन्। ‘ट्रम्प प्रशासनको यो निर्णयको प्रभाव आगामी दिन र हप्ताहरूमा स्पष्ट हुनेछ। हामी अवस्थाको अनुसन्धान गरिरहेका छौं,’ उनले भनिन । 

यसैबीच बेल्जियम शाही परिवारका सञ्चार निर्देशक जेभियर बार्टले भने, ‘हामी अहिले परिस्थितिको विश्लेषण गर्दैछौं र के हुन्छ हेरिरहेका छौं। अब धेरै परिवर्तन हुन सक्छ।’

एलिजाबेथ बेल्जियमका राजा फिलिप र रानी म्याथिल्डेकी जेठी छोरी र सिंहासनको पहिलो उत्तराधिकारी हुन्। हार्वर्ड भन्दा पहिले उनले अक्सफोर्ड विश्वविद्यालयबाट इतिहास र राजनीतिमा स्नातक गरेकी थिइन् ।

हार्वर्डको सार्वजनिक नीति कार्यक्रमले तिनीहरूलाई सार्वजनिक सेवामा क्यारियरको लागि तयार गर्ने गर्दछ। हार्वर्ड विश्वविद्यालयले ट्रम्प प्रशासनको यो कदमको आलोचना गरेको छ । 

विश्वविद्यालयले एक विज्ञप्ति जारी गर्दै यो निर्णय गैरकानुनी मात्र नभएर विदेशी विद्यार्थीलाई प्रत्यक्ष निशाना बनाउने कदम भएको बताएको छ ।